Սիրիայում ԱՄՆ-ի գլխավորած միջազգային կոալիցիայի հարվածների հետևանքով զոհվել է 70 խաղաղ բնակիչ
Սիրիայի Դեր Զոր նահանգում ԱՄՆ-ի գլխավորած միջազգային կոալիցիայի ավիահարվածների հետևանքով զոհվել է ավելի քան 70 մարդ։ Այս մասին գրում է TASS-ը՝ հղում կատարելով SANA գործակալությանը։
Աղբյուրի հայտնած տեղեկությունների համաձայն՝ հարվածները հասցվել են Էլ Բագուզ ճամբարին։
Ավելի վաղ նույն աղբյուրը հայտնում էր, որ կոալիցիայի հարվածների հետևանքով զոհվել է 4 խաղաղ բնակիչ։
Հիշեցնենք, որ դեկտեմբերի 19-ին ԱՄՆ նախագահ Դոնալդ Թրամփը հայտարարել էր Սիրիայում Իսլամական պետության դեմ վերջնական հաղթանակի և ամերիկյան զորքերն արաբարական այս երկրից դուրս բերելու մասին։
Ավելի ուշ Սպիտակ տան մամուլի խոսնակ Սառա Սանդերսը հայտարարել է, որ ԱՄՆ-ն արդեն սկսել է զորքերի դուրսբերումը Սիրիայի տարածքից, սակայն սա և ԻՊ-ի դեմ հաղթանակը չի նշանակում, որ միջազգային կոալիցիան դադարելու է գոյություն ունենալ։
Ամերիկացի պաշտոնյաների տվյալներով՝ պետքարտուղարության աշխատակիցները 24 ժամվա մեջ դուրս են բերվել Սիրիայից, իսկ զորախմբի դուրսբերումը տեղի կունենա 60-ից 100 օրվա ընթացքում։