Նեթանյահուն ժամանել է Մոսկվա հանդիպելու Պուտինի հետ

Իսրայելի վարչապետ Բենիամին Նեթանյահուն ժամանել է Մոսկվա, որտեղ պետք է հանդիպում ունենա ՌԴ նախագահ Վլադիմիր Պուտինի հետ։ Այս մասին տեղեկացնում է ՏԱՍՍ-ի թղթակիցը՝ նշելով, որ Նեթանյահուի օդանավը վայրէջք է կատարել «Վնուկովո-2» օդանավակայանում։

Ինչպես ավելի վաղ հաղորդում էր Կրեմլի մամուլի ծառայությունը, Պուտինը պատրաստվում է Իսրայելի վարչապետի հետ քննարկել տարածաշրջանային խնդիրները, Սիրիական հակամարտությունը, ինչպես նաև երկկողմ հարաբերությունների օրակարգին առնչվող թեմաներ։

Սա Նեթանյահուի առաջին այցն է Մոսկվա այն բանից հետո, երբ 2018 թ․ սեպտեմբերի 17-ին Սիրիայի սահմանների մոտ խոցվեց ռուսական ռադիոէլեկտրոնային հետախուզության և պայքարի Իլ-20 ինքնաթիռը, ինչի հետևանքով զոհվեց 15 զինծառայող։ Նույն տարվա նոյեմբերի 11-ին Պուտինը և Նեթանյահուն կարճ զրույց ունեցած Փարիզում։ Մի քանի օր անց Սինգապուրում մամուլի ասուլիսի ժամանակ Պուտինը հայտարարեց, որ Փարիզում Նեթանյահուի հետ քննարկել է Իլ-20-ի հետ տեղի ունեցած ողբերգական միջադեպը։

Ի սկզբանե Նեթանյահուի այցը Մոսկվա նախատեսված էր փետրվարի 21-ին, սակայն այն հետաձգվեց կապված Իսրայելում ներքաղաքական իրավիճակի հետ։ Այնտեղ առաջիկա ապրիլի 9-ին պետք է անցկացվեն արտահերթ խորհրդարանական ընտրություններ։

We use cookies to ensure that we give you the best experience on our website. You may delete and block all cookies from us, but certain parts of the site may not work properly.