Լուկաշենկոն սպառնում է այլընտրանք գտնել ռուսական նավթին
Եթե Մինսկը չկարողանա փոխհատուցման վերաբերյալ համաձայնության հասնել Մոսկվայի հետ հարկային մանևրի պատճառով, ապա ստիպված կլինի անցնել այլ պետություններից նավթ գնելուն։ Այս մասին հայտարարել է Բելառուսի նախագահ Ալեքսանդր Լուկաշենկոն։
«Ռուսները մեզ լավ են վերաբերվում, մենք ինչու՞ պետք է քարեր նետենք նրանց ուղղությամբ։ Այո, հասկանալի է, ինչ-որ տեղ մեզ փորձում են տնտեսապես ճնշել, ինչ-որ բան ցույց տալ, և հնարավոր է՝ իրոք անհանգստացած են հարկային մանևրով։ Աստված իրենք հետ, մի կերպ կդիմանանք այդ 400 միլիոնին, կամ գուցե ավելի քիչ լինի», - լրագրողների հետ զրույցի ընթացքում ասել է Լուկաշենկոն։
Նրա խոսքով՝ մինչև նոյեմբեր Բելառուսը կավարտի իր գործարանների արդիականացումը։
«Մենք նավթ կգնենք կողքից։ Մենք նավթ կգնենք շուկայից․ այսօր նավթը կարող ես գնել այնքան, ինչքան ուզում ես, հարցը գինն է», - շարունակել է Բելառուսի նախագահը։
Խոսելով նավթարդյունաբերության գործարանի արդիականացման մասին՝ Լուկաշենկոն նշել է, որ այն համապատասխանելու է եվրոպական ստանդարտներին։ Նրա խոսքով՝ այն կարող է միլիարդավոր դոլարներ արժենալ, սակայն «իրենք կարող են այն ավարտել»։
«Եվ ո՞վ է դրանից շահելու։ Մենք պարզապես ռուսական շուկա (Բելառուս) ենք բերելու արտասահմանյան նավթը։ Ռուսաստանին պե՞տք է դա։ Ոչ։ Այսօր պետք է այդ մասին մտածել», - ավարտել է Ալեքսանդր Լուկաշենկոն։