Ուկրաինացիների 60%-ը կարծում է, որ երկրում տնտեսական վիճակը վատացել է

Ուկրաինայի բնակիչների 60%-ը կարծում է, որ մեկ տարվա ընթացքում երկրի տնտեսական վիճակը վատացել է։ Այս մասին են վկայում «Ռեյտինգ» սոցիոլոգիական խմբի անցկացրած հարցումները։

Նույց հարցումների համաձայն՝ մարդկանց միայն 10%-ն է կարծում, որ վերջին 12 ամսվա ընթացքում երկրում տնտեսական վիճակը լավացել է։ Ավելացել է նաև այն մարդկաց թիվը, որոնք կարծում են՝ որևէ փոփոխություն տեղի չի ունեցել (11%-ից դառնալով 27%)։

Համաձայն Ուկրաինայի 2019 թ․ բյուջեի նախագծի՝ երկում նվազագույն աշխատավարձը կազմում է 114 դոլար։ Գերագույն ռադայի պատգամավորներից մեկի խոսքով՝ ուկարինացիները հարկերի ավելացման և մթերքների թանկացման ֆոնին չեն զգա աշխատավարձի 12%-ով բարձրանալը։

Խորհրդարանի ընդդիմադիր պատգամավոր Վիկտոր Մեդվեդչուկի խոսքով՝ վերջին 5 տարվա ընթացքում Ուկրաինայում կենսաթոշակի չափը կրճատվել է 2,2 անգամ։ Նա ընդգծել է նաև, որ նվազագույն աշխատավարձի չափը գնալով հավասարվում է 2013 թ․ մինչճգնաժամային ժամանակաշրջանի մակարդակին։

Սոցհարցումներն անցկացվել են փետրվարի 19-ից 28-ը Ուկրաինայի բոլոր շրջաններում, բացառությամբ՝ Կիևի վերահսկողության ներքո չգտնվող Դոնբասում։ Հարցումներին մասնակցել է 18 տարեկանից բարձր շուրջ 2,5 հազար մարդ։