Թրամփը երկարաձգել է Ռուսաստանի նկատմամբ պատժամիջոցների ժամկետը

Տեղադրվել է 05/03/2019.
© РИА Новости / Сергей Гунеев

ԱՄՆ նախագահ Դոնալդ Թրամփը երկարաձգել է Ռուսաստանի նկատմամբ պատժամիջոցների ժամկետը, որոնք սահմանվել էին 2014 թ․ Ուկրաինայում տեղի ունեցած դեպքերի պատճառով։ Այս մասին տեղեկացնում է Սպիտակ տան մամուլի ծառայությունը։

Կոնգրես ուղարկված զեկույցում նշվում է, որ Բարաք Օբամայի նախագահության ժամանակ սահմանված պատժամիջոցները կշարունակեն գործել մարտի 6-ից հետո մեկ տարի ևս։

ԱՄՆ նախագահի խոսքով՝ Մոսկվայի գործողություններն սպառնում են Ուկրաինայի անվտանգությանը և կայունությանը։ Բացի այդ, ռուսական իշխանությունների ուժային որոշումներն իրենցից չափազանց մեծ սպառնալիք են ներկայացնում ԱՄՆ-ի արտաքին քաղաքականության համար։

Ռուսաստանի և Արևմուտքի հարաբերությունները սրվել են Ուկրաինայում և Ղրիմում ստեղծված իրավիճակից հետո, երբ վերջինս հանրաքվեի արդյունքում միացավ Ռուսաստանին։ Արևմուտքի երկրները Մոսկվային մեղադրեցին Ուկրաինայի ներքին գործերին միջամտելու մեջ և պատժամիջոցներ սահմանեցին նրա նկատմամբ։

Մոսկվան հայելային պատասխան տվեց՝ հերքելով բոլոր մեղադրանքները և հայտարարելով, որ իր հետ սպառնալիքի լեզվով խոսելն անօգուտ է։ Վերջերս Արևմուտքում սկսել են հաճախ հնչել Ռուսաստանի նկատմամբ պատժամիջոցները վերացնելու մասին հայտարարություններ։

Որոշիչ բառեր: հակառուսական պատժամիջոցներ, ԱՄՆ, Ռուսաստան, Ուկրաինա

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.