Կարակասում հաջողվել է ժամանակավորապես վերականգնել էլեկտրամատակարարումը

Վենեսուելայի մայրաքաղաք Կարակասի մի շարք թաղամասերում էլեկտրաէներգիայի մատակարարումը հաջողվել է մասամբ ժամանակավորապես վերականգնել, սակայն ավելի ուշ կրկին դադարել է։ Այս մասին տեղեկացնում է ՏԱՍՍ-ը։

Տեղի ժամանակով 00։45-ի սահմաններում հաջողվել է վերակագնել Կարակասի Լաս Մերսեդես թաղամասի, ինչպես նաև քաղաքի հարակից Չակաո և Ալտամիրա բնակավայրերի էլեկտրամատակարարումը։ Կրկին վառվել են փողոցների և բազմաթիվ շենքերի լույսեր։ Ավելի վաղ էլեկտրաէներգիայի մատակարարման վերականգնման մասին հայտնել էին սոցցանցերի օգտատերերը։

Հասարակական շենքերի էլեկտրամատակարարումը հաջողվել էր վերականգնել այլ աղբյուրներով։

Փողոցների և շենքերի լույսերը միացած մնացին մոտ տասը րոպե։ Հաջորդող ժամերի ընթացքում էլեկտրաէներգիայի մատակարարումը վերականգնելու այլ փորձեր չեն ձեռնարկվել։

Հիշեցնենք, որ մարտի 7-ին Կարակասը և Վենեսուելայի 23 նահանգներից 20-ը մնացել էին առանց էլեկտրամատակարարման։ Ազգային էլեկտրամատակարարման ընկերության տվյալներով՝ տեղի ունեցածի պատճառը երկրի խոշորագույն Հիդրոէլեկտրոկայանի՝ Սիմոն Բոլիվարի անվան ՀԷԿ-ի սաբոտաժն է։

Վենեսուելայի նախագահ Նիկոլաս Մադուրոն տեղի ունեցածի մեջ մեղադրում է «ամերիկյան իմպերիալիզմին»։

We use cookies to ensure that we give you the best experience on our website. You may delete and block all cookies from us, but certain parts of the site may not work properly.