Ամերիկյան անօդաչու սարքը հետախուզական թռիչք է իրականացրել ռուսական սահմանների մոտ
ԱՄՆ ռազմաօդային ուժերի RQ-4B ռազմավարական անօդաչու սարքը հետախուզական թռիչք է իրականացրել Ռուսաստանի Դաշնության սահմանների մոտակայքում։ Այս մասին գրում է Ria Novosti-ն՝ հղում կատարելով PlaneRadar-ին։
Նշվում է, որ 10-2043 բորտի համարով ամերիկյան անօդաչու սարքը թռիչքն սկսել է Իտալիայի Sigonella ավիաբազայից։ Ավելի ուշ՝ ցերեկը 17։30-ի սահմաններում, այն նկատվել է Լիտվայի օդային տարածքում՝ Կալինինգրադի սահմանների մոտակայքում։
Դրանից հետո անօդաչու սարքը Լատվիայի և Էստոնիայի օդային տարածքով ուղղություն է վերցրել դեպի ՌԴ արևելյան սահմաններ՝ Պսկովի և Լենինգրադի շրջաններ։
Աղբյուրի փոխանցմամբ՝ RQ-4B անօդաչու սարքը վերադարձել է տեղակայման վայր երեկոյան 21։30-ի սահմաններում։
Վերջին շրջանում բավական ակտիվացել են արտասահմանյան հետախուզական ինքնաթիռների թռիչքները ռուսական սահմանների մոտ։ Դրանք նկատվում են հատկապես Ղրիմի, Կրասնոդարի շրջանի և Բալթիկ ծովի ռուսական սահմանների մոտակայքում։