Եվրամիությունը պատրաստվում է պաշտպանության ոլորտում խորացնել հարաբերությունները Չինաստանի հետ․ Մոգերինի

Տեղադրվել է 18/03/2019.
© РИА Новости / Алексей Витвицкий

Եվրոպական Միությունը և Չինաստանը որոշել են զարգացնել հարաբերությունները անվտանգության ոլորտում։ Այս մասին Չինաստանի արտաքին գործերի նախարար, Չինաստանի պետական խորհրդի անդամ Վան Իի հետ բանակցություններից հետո հայտարարել է Եվրոպական Միության անվտանգության և արտաքին քաղաքականության հարցերով գլխավոր հանձնակատար Ֆեդերիկա Մոգերինին։

«Մենք որոշել ենք խորացնել համագործակցությունն անվտանգության և պաշտպանության ոլորտում», - Մոգերինիի խոսքերը մեջբերել է ՏԱՍՍ-ը։

Աղբյուրը գրում է, որ այսօր՝ մարտի 18-ին, Բրյուսելում ընթանում է ԵՄ Խորհրդի նիստ, որին մասնակցում է նաև Չինաստանի արտաքին քաղաքական գերատեսչության ղեկավար Վան Ին։

Հանդիպմանը կողմերը պետք է քննարկեն երկկողմ հարաբերությունների և միջազգային օրակարգին առնչվող կարևոր հարցեր։ Բացի այդ, նախապատրաստվելու է նաև Եվրոպական Միություն-Չինաստան գագաթնաժողովը, որը պետք է անցկացվի ապրիլի 9-ին Բրյուսելում։

Որոշիչ բառեր: Ֆեդերիկա Մոգերինի, Վան ի, Չինաստան, Եվրոպական Միություն

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.