Նոր Զելանդիայի ոստիկանություն պարզել է Քրիսթչերչում տեղի ունեցած ահաբեկչության բոլոր 50 զոհերի ինքնությունը

Նոր Զելանդիայի ոստիկանությունը մարտի 21-ին ավարտել է Քրիսթչերչում տեղի ունեցած ահաբեկչության բոլոր 50 զոհերի նույնականացման գործընթացը։ Այս մասին, ինչպես հայտնում է France Press գործակալությունը, հայտնել է Նոր Զելանդիայի ոստիկանության ներկայացուցիչ Մայք Բուշը։

«Ես կարող եմ պաշտոնապես հայտարարել, որ րոպեներ առաջ ավարտվել է ահաբեկչության բոլոր 50 զոհերի նույնականցաման գործըթնացը։ Բոլոր զոհերի ընտանիքները ստացել են ծանուցում այդ մասին», - ասել է Բուշը։

Ավելի վաղ Նոր Զելանդիայի կառավարությունը որոշում էր ընդունել երկրի տարածքում բոլոր տեսակի հրաձգային զինատեսակների շրջանառությունը և շահագործումը արգելելու վերաբերյալ։

Հիշեցնենք, որ մարտի 15-ին՝ տեղի ժամանակով 13։45-ին՝ անմիջապես ցերեկվա աղոթքից հետո, զինված անձինք մուտք էին գործել Ալ Նուր և Լինվուդ մզկիթներ և փակել բոլոր դռները։

Ականատեսների վկայությամբ՝ գրոհի ժամանակ մզկիթի ներսում եղել է 200-300 մարդ։ Դռները փակելուց հետո հնչել են կրակոցներ։ Հարձակման հետևանքով զոհվել էր 5 տասնյակ մարդ։

We use cookies to ensure that we give you the best experience on our website. You may delete and block all cookies from us, but certain parts of the site may not work properly.