Կրեմլը մեկնաբանել է Գոլանի բարձունքների վերաբերյալ Թրամփի հայտարարությունը

Կրեմլը բացասաբար է մեկնաբանել Գոլանի բարձրունքների վերաբերյալ Դոնալդ Թրամփի հայտարարությունը։ Այս մասին գրում է Ռիա Նովոստի-ն։

«Անխոս, նման հայտարարությունները կարող են բացասաբար անդրադառնալ Մերձավոր Արևելքի առանց այդ էլ առանց այդ էլ լարված և անկայուն իրավիճակի վրա։ Ամեն դեպքում, նման հայտարարությունները չեն օգնում իրավիճակը հանդարտեցմանը և խնդրի լուծմանը», - ասել է ՌԴ նախագահի մամուլի խոսնակ Դմիտրի Պեսկովը։

Հիշեցնենք, որ նախօրեին Թրամփը հայտարարել էր, որ Միացյալ Նահանգները պետք է ճանաչի Իսրայելի ամբողջական ինքնիշխանությունը Գոլանի բարձունքների վրա, քանի որ այն «ռազմավարական կարևորություն ունի» Թել Ավիվի համար։

Թրամփի այս հայտարարությունը դատապարտել են Դամասկոսը, Բրյուսելը և Թեհրանը՝ նշելով, որ ԱՄՆ նախագահն այս կերպ միջազգային իրավունքի նորմ է խախտում։

1944 թվականից Սիրիային պատկանող Գոլանի բարձունքները Իսրայելի վերահսկողության տակ են անցել 1967 թ․ վեցօրյա պատերազմից հետո։ 1981 թվականին Քնեսեթն ընդունել է «Գոլանի բարձունքների մասին» օրենք, որով ամրագրվել է հրեական պետության ինքնիշխանությունը տվյալ տարածքի վրա։ Հենց այդ ժամանակ էլ Գոլանի բարձունքի բռնակցումն անվավեր է ճանաչվել  ՄԱԿ-ի Անվտանգության Խորհրդի 497 թվակիր բանաձևով։

We use cookies to ensure that we give you the best experience on our website. You may delete and block all cookies from us, but certain parts of the site may not work properly.