Ասադը նշել է Պալմիրայի վրա հարձակվելու պատճառը
Պալմիրայի վրա Իսլամական պետության ահաբեկիչների հարձակումը պատասխան է Սիրիայի կառավարական զորքերի՝ Հալեպում գրանցած հաջողություններին։ Այս մասին ռուսական RT հեռուստաալիքին տված հարցազրույցի ժամանակ հայտարարել է Սիրիայի նախագահ Բաշար ալ-Ասադը։
«Եթե նայենք Պալմիրայի վրա հարձակման ժամանակագրությունը, ապա կտեսնեք, որ դա անմիջական կապ ունի Հալեպում ծավալվող իրադարձությունների հետ։ Սա արվել է ի պատասխան Հալեպում մեր զորքերի գրանցած հաջողությունների։ Նրանք ցանկանում են կոտրել Հալեպի հաղթանակը և սիրիական բանակի ուշադրությունը ուղղել դեպի Պալմիրա», - ասել է Սիրիայի նախագահը։
Ավելի վաղ Սիրիայի կառավարական զորքերը գրոհել էին Հալեպի արևելյան թաղամասերը, որոնք զինյալների վերահսկողության տակ էին։ Դեկտեմբերի 13-ին Սիրիայի ռուսական աղբյուրները հաղորդել են, որ իշխանությունները վերահսկում են քաղաքի մոտ 98% տարածքին։
Ռուսական աղբյուրների հաղորդած տվյալների համաձայն՝ Պալմիրայի վրա հարձակված ահաբեկիչների հիմնական մասը եկել է Ռաքքայից, որտեղ նախորդ շաբաթ ԱՄՆ-ն և վերջինիս գլխավորած միջազգային կոալիցիան դադարեցրել էր ահաբեկիչների դեմ ռազմական գործողությունները։ Նշվում է, որ Դեր Զորից նույնպես ԻՊ ահաբեկիչների մեծ ուժեր են շարժվել Պալմիրայի ուղղությամբ։