Եվրամիությունը երկարաձգել է Ռուսաստանի նկատմամբ կիրառվող տնտեսական պատժամիջոցները

Եվրամիությունը մինչև 2017թ-ի հուլիսի 31-ը երկարաձգել է Ռուսաստանի նկատմամբ կիրառվող տնտեսական պատժամիջոցները։ Այս մասին նշվում է ԵՄ խորհրդի տարածած հաղորդագրության մեջ։

Եվրամիության ներկայացուցիչները նշում են, որ արևմուտքի երկրների առաջնորդները պատժամիջոցների երկարաձգումը կապում են Մինսկի համաձայնագրի դրույթների կատարման հետ։

«Եվրոպայի Խորհրդի դեկտեմբերի 15-ին կայացած նիստի ժամանակ գնահատելով Մինսկի համաձայնագրի դրույթների կատարման հնարավորությունը՝ ԵՄ անդամ երկրների ղեկավարները հող են նախապատրաստել Ռուսաստանի նկատմամբ կիրառվող տնտեսական պատժամիջոցները ևս վեց ամսով՝ մինչև 2017թ-ի հուլիսի 31-ը երկարաձգելու համար։ Խորհուրդը պաշտոնապես ընդունել է այս որոշումը դեկտեմբերի 19-ին՝ գրավոր ընթացակարգով», - նշված է ԵՄ խոհրդի պաշտոնական հաղորդագրության մեջ։

Եվրամիությունը Ռուսաստանի նկատմամբ տնտեսական պատժամիջոցներ սկսել է կիրառել 2014թ-ի օգոստոսի 1-ից։ Պատժամիջոցներն ընդլայնվել են նույն թվականի սեպտեբերին։

Կրեմլն անհեթեթություն է համարում պատժամիջոցների կիրառումը Մինսկի համաձայնագրի դրույթների կատարման հետ կապելը, քանի որ, ըստ իրենց, Ռուսաստանը չի հանդիսանում ուկրաինական հակամարտության կողմ։

Ի պատասխան Արևմուտքի սահմանած տնտեսական պատժամիջոցների՝  Ռուսաստանը սահմանափակել է որոշ երկրներից ոչ պարենային ապրանքների ներկրումը։ Սահմանափակումը տարածվել է մսի, երշիկի, ծովամթերքի, մրգի, բանջարեղենի և կաթնամթերքի վրա։ 2015թ-ի հուլիսին Ռուսաստանը մեկ տարով երկարաձգել է էմբարգոն։ Ժամկետը լրանալուց հետո այն երկարաձվել է մինչև 2017թ-ի դետեմբերի 31-ը։