Ամերիկացի սենատորները ցանկանում են արգելել Թրամփին չեղարկել ՌԴ-ի դեմ պատժամիջոցներն առանց Կոնգրեսի թույլտվության

ԱՄՆ-ի հեղինակավոր սենատորների խումբը որոշել է ներկայացնել մի օրինագիծ, որը կարգելի նախագահ Դոնալդ Թրամփին առանց Կոնգրեսի թույտվության հանել Ռուսաստանի նկատմամբ կիրառվող պատժամիջոցները։ Այս մասին հայտնում է ՏԱՍՍ-ը՝ հղում կատարելով ամերիկյան ABC լրատվականին։

Դեմոկրատների խմբակցության ղեկավար Չակ Շումերի խոսքով՝ սենատորներին դուր չի գալիս, որ Թրամփը հնարավորություն ունի հանել ՌԴ-ի նկատմամբ կիրառվող պատժամիջոցներն առանց Կոնգրեսի թույլտվության։ Նա նշել է, որ այդ նախաձեռնությունը աջակցություն է ստացել նաև հանրապետական սենատորների կողմից։

«Եթե մենք չեղարկենք պատժամիջոցներն, ապա դրանով թույլ կտանք Ռուսաստանին կրկին խառնվել մեր ընտրություններին և շարունակել վատ բաներ անել», - ասել է Շումերը։

Ակնկալվում է, որ օրինագիծը կներկայացվի այս շաբաթ։