Ռուսաստանը պետք է դառնա դաշնակից ողջ աշխարհի համար. Բեռլուսկոնի

Իտալիայի նախկին վարչապետ Սիլվիո Բեռլուսկոնին դրական է գնահատում Մոսկվայի և Վաշինգտոնի միջև համագործակցության հնարավոր վերականգնումը, որը նշմարվեց նախագահի պաշտոնին Դոնալդ Թրամփի ընտրվելուց հետո. գրում է Ռիա Նովոստին՝ հղում կատարելով La Stampa թերթին։

«Մի կողմից ես դրական եմ գնահատում ԱՄՆ-ի հետ համագործակցելու Պուտինի պատրաստակամությունը։ Նա ԱՄՆ-ի և ողջ ազատ աշխարհի համար պետք է լինի ընկեր և դաշնակից, ոչ թե թշնամի», - La Stampa թերթին տված հարցազրույցում ասել է Բեռլուսկոնին։

«Մյուս կողմից ես տեսնում եմ մեկուսացման քաղաքականությանը վերադառնալու վտանգ, որը մեծ սխալ կլինի ինչպես ԱՄՆ-ի, այնպես էլ՝ ամբողջ աշխարհի համար», - ավելացրել է Իտալիայի նախկին վարչապետը՝ պատասխանելով ՌԴ-ի հետ համագործակցելու համատեքստում Միացյալ Նահագների հետագա գործողություների մասին հարցին։

Նրա խոսքով՝ Ռուսաստանը կարևոր դեր է կատարում ապօրինի ներգաղթի խնդիրը լուծելու հարցում, ինչին Իտալիան նույնպես բախվել է։

Բեռլուսկոնին նշել է, որ ապօրինի ներգաղթը կանխելու և Մերձավոր Արևելքում ու Աֆրիկայում իրավիճակը կայունացնելու համար անհրաժեշտ է ստեղծել մեծ կոալիցիա, որտեղ «գլխավոր դեմքերը կլինեն Եվրոպան, ԱՄՆ-ն, Ռուսաստանը և Չինաստանը»։