Ռուսաստանի, Թուրքիայի և Իրանի համատեղ հայտարարությունը Աստանայի հանդիպմանը

Ռուսաստանը, Իրանը և Թուրքիան որոշում են կայացրել Սիրիայում հրադադարի մասին մոնիթորինգի անցկացման մեխանիզմներ ստեղծելու վերաբերյալ։ Այս մասին ասվում է սիրիական հակամարտության կարգավորման հարցով Աստանայի բանակցությունների արդյունքում երեք պետությունների արած համատեղ հայտարարության մեջ։ Փաստաթուղթը կարդացել է Ղազախստան արտաքին գործերի նախարար Կայրաթ Աբրդահմանովը։ Այս մասին հայտնում է ռուսական ՏԱՍՍ-ը։

Հրապարակված փաստաթղթում նշված է, որ Ռուսաստանը, Իրանը և Թուրքիան որոշել են ստեղծել մի մեխանիզմ, որով հնարավոր կլինի հսկել հրադադարի ռեժիմը և կանխել սադրանքները։ Որոշվել է համատեղ պայքարել «Իսլամական պետություն» և «Ջեբաթ ալ-Նուսրա» ահաբեկչական խմբավորումների դեմ։ Նշվել  նաև զինված ընդդիմությանն ահաբեկիչներից առանձնացնելու անհրաժեշտության մասին։

Կողմերի համոզմամբ՝ Աստանայի հանդիպումը արդյունավետ հարթակ էր Սիրիայի իշխանության և ընդդիմության ուղիղ երկխոսության համար։

«Մենք աջակցում ենք զինված ընդդիմության ցանկությունը՝ մասնակցելու բանակցային գործընթացի հաջորդ փուլին, որը կկայանա փետրվարի 8-ին Ժնևում», - ասվում է հայտարարության մեջ։