Թրամփը կատարում է իր խոստումը. Մեքսիկայի սահմանին պատ կկառուցվի

ԱՄՆ-ի նախագահ Դոնալդ Թրամփը հայտարարել է, որ առաջիկայում ընդունվելու են ազգային անվտանգության վերաբերյալ կարևոր որոշումներ, որոնց թվում է պատի կառուցումը Մեքսիկայի հետ ցամաքային սահմանին։

«Վաղը կարևոր օր է ազգային անվտանգության համար։ Մի շարք այլ բաների հետ մեկտեղ, մենք պատ կկառուցենք», - գրել է Թրամփն իր թվիթերյան միկրոբլոգում։

Սպիտակ տունը հաստատել է, որ ԱՄՆ-ի նախագահն այցելելու է ազգային անվտանգության նախարարություն, սակայն չի նշվում՝ ընդունվելու են միգրացիայի մասին որոշումներ, թե ոչ։

Ավելի վաղ «Ռոյթերս» լրատվականը հայտնել էր, որ Թրամփը պատրաստվում է հրամանագրեր ստորագրել փախստականների ընդունման և մի շարք երկրներից ԱՄՆ մարդկանց մուտքի սահմանափակման մասին։

Կոնգրեսի փորձագետների տվյալների համաձայն՝ երկիր մարդկանց ներգաղթի սահմանափակման մասին Թրամփի հրամանագրերը, չնայած՝ փաստաթղթերում չի նշվում, վերաբերում են ԱՄՆ-ի վիզա ունեցող Իրաքի, Եմենի, Սիրիայի, Իրանի, Լիբիայի, Սոմալիի և Սուդանի քաղաքացիներին։