Թրամփն անվտանգության գոտիներ կստեղծի Սիրիայում

ԱՄՆ-ի նախագահ Դոնալդ Թրամփը ցանկանում է անվտանգության գոտներ ստեղծել Սիրիայում։ Այս մասին հայտնում է «Ռոյթերս» լրատվականը։

Պարբերականի հավաստմամբ՝ Թրամփը պատրաստվում է անվտանգության գոտիների ստեղծման վերաբերյալ ծրագրի մշակումը հանձնարարել պետքարտուղարությանը և պաշտպանության նախարարությանը։

Աղբյուրը հրապարակել է համապատասխան որոշման մասին փաստաթուղթը, որի մեջ նշված է. - «Պետքարտուղարը, պաշտպանության նախարարի հետ համագործակցելով, հրամանագրի ստորագրման պահից 90 օրվա ընթացքում պետք է ներկայացնի Սիրիայում անվտագության գոտիների ստեղծման ծրագիր, որը հնարավորություն կտա իրենց բնակավայրերը լքած սիրիացիներին ժամանակավոր ապրել այդտեղ՝ սպասելով պոտենցիալ հայրենադարձության, կամ երրորդ երկիր տեղափոխվելուն»։