Կրեմլը Թրամփին կոչ է անում հաշվի առնել Սիրիայում անվտանգության գոտիներ ստեղծելու հետևանքները
Կրեմլը կոչ է անում Թրամփին հաշվի առնել Սիրիայում անվտանգության գոտիներ ստեղծելու հնարավոր հետևանքները։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը. գրում է ՏԱՍՍ-ը։
«Կարևոր է, որ այն ավելի չվատացնի փախստականների վիճակը։ Պետք է հաշվի առնել հնարավոր բոլոր հետևանքները», - ասել է Պեսկովը։
Լրագրողների հարցին՝ թե արդյոք ԱՄՆ-ն խորհրդակցել է ՌԴ-ի հետ այդ որոշումը կայացնելիս, Պեսկովը բացասական պատասխան է տվել. «Ամերիկյան կողմը մեզ հետ չի խորհրդակցել»։
Հունվարի 25-ին Դոնալդ Թրամփը հայտարարել էր, որ Սիրիայում անվտանգության գոտիներ ստեղծելը շատ ճիշտ որոշում է։ Նրա խոսքով՝ Եվրոպան մեծ սխալ է գործել՝ թույլ տալով միլիոնավոր փախստականներին հասնել Գերմանիա և եվրոպական այլ երկրներ։
«Այն, ինչ կատարվում է Եվրոպայում, աղետ է։ Չեմ ցանկանում, որ նույնը տեղի ունենա ԱՄՆ-ում», - ասել է Թրամփը։
Ավելի վաղ «Ռոյթերս» լրատվականը հայտնել էր, որ Թրամփը պատրաստվում է Սիրիայում անվտանգության գոտիներ ստեղծել՝ իրենց բնակավայրերը լքած սիրիացիներին այնտեղ բնակեցնելու համար։
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
