Թրամփը և Պուտինը հեռախոսազրույց կունենան. Պեսկով
Ռուսաստանի Դաշնության նախագահի մամուլի խոսնակ Դմիտրի Պեսկովը հայտարարել է, որ Վլադիմիր Պուտինի և Դոնալդ Թրամփի հեռախոսազրույցը կարող է տեղի ունենալ հունվարի 28-ին. գրում է Ռիա Նովոստին։
Ավելի վաղ CNN-ը տեղեկացրել էր, որ Ռուսաստանի և ԱՄՆ-ի նախագահների զրույցը տեղի կունենա շաբաթ օրը։
Fox News պարբերականին տված հարցազրույցում Թրամփը հայտարարել էր, որ մոտ ժամանակներս պատրաստվում է կապ հաստատել ՌԴ նախագահի հետ, սակայն հեռախոսազրույցի կոնկրետ ժամկետներ չի նշել։ ԱՄՆ-ի նախագահը խոստացավ նաև, որ կներդնի իր ողջ ջանքերը երկու երկրների հարաբերությունները կագավորելու համար։
«Հոյակապ կլինի, եթե լավացնենք մեր հարաբերությունները Ռուսաստանի հետ։ Դա լավ է և՛ Ռուսաստանի, և՛ մեզ համար», - ասել է Թրամփը։
ԱՄՆ-ի նախագահի խոսքով՝ Միացյալ Նահանգները և Ռուսաստանը կարող էին միասին վերացնել «Իսլամական պետություն» ահաբեկչական խմբավորմանը։
Պուտինի և Թրամփի միջև առաջին հեռախոսազրույցը տեղի է ունեցել նոյեմբերի 14-ին՝ նախագահական ընտրություններում հանրապետական թեկնածուի հաղթանակից հետո։