Թրամփը կարող է չեղարկել Ռուսաստանի նկատմամբ կիրառվող պատժամիջոցները
ԱՄՆ-ի նախագահ Դոնալդ Թրամփի վարչակազմը պատրաստել է անհրաժեշտ փաստաթղթերը Ռուսաստանի նկատմամբ կիրառվող պատժամիջոցները չեղարկելու համար։ Այս մասին հայտնում է Atlantic Council անալիտիկ կենտրոնի գիտաշխատող Ֆաբրիս Պոտիեն։
Իր թվիթերյան միկրոբոգում Պոտիեն գրել է. «Դեմոկրատական կուսակցության աղբյուրները հայտնում են, որ Թրամփի վարչակազմը հրամանագիր է պատրաստել Ռուսաստանի նկատմամբ կիրառվող պատժամիջոցների չեղարման մասին։ Շաբաթ օրը Թրամփը կխոսի Մերկելի, հետո՝ Պուտինի հետ»։
Պատժամիջոցների վերացման մասին լուրը հաստատել է նաև ամերիկյան Politico հանդեսի աշխատակից Սյուզան Գլասերը, որը թվիթերյան իր էջում գրել է. «Որոշ աղբյուրներ տեղեկացնում են, որ Թրամփի հրամանագիրը կարող է մեղմել Ռուսաստանի նկատմամբ կիրառվող պատժամիջոցները»։
Արևմուտքի և Ռուսաստանի հարաբերությունները վատացել են 2014թ-ին՝ կապված Ուկրաինայում տիրող իրավիճակի հետ։ Եվրոպական Միության երկրները սկզբում սկսեցին անհատական պատժամիջոցներ կիրառել ֆիզիկական անձանց նկատմամբ, իսկ հետո արդեն պատժամիջոցների մասշտաբները մեծացան՝ սահմանափակելով տնտեսության կոնկրետ ոլորտներ։