ՌԴ-ի և ԱՄՆ-ի միջև կապերը կակտիվանան, երբ հայտնվի պետքարտուղարը. ԱՄՆ-ում Ռուսաստանի դեսպան

Ռուսաստանը և ԱՄՆ-ն կակտիվացնեն կապերը պետքարտուղարի պաշտոնի հաստատումից հետո։ Այս մասին գրում է Ռիա Նովոստին՝ հղում կատարելով ԱՄՆ-ում Ռուսաստանի դեսպան Սերգեյ Կիսլյակի հայտարարությանը։

Դեսպանը, պատասխանելով այն հարցին, թե արդյոք վերջին ժամանակներս ակտիվացել են կապերը Միացյալ Նահանգների կառավարության և ՌԴ դեսպանատան միջև, նշել է. «Ես չեմ ասի, թե ինչ-որ բան արմատապես փոխվել է։ Անգամ պարզ չէ, թե ով է զբաղեցնելու պետքարտուղարի պաշտոնը»։

Կիսլյակի խոսքով՝ «կապերը կակտիվանան, երբ հայտնվեն պետքարտուղարը, նրա օգնականները, որոնց հետ էլ, որպես կանոն, պահպանվում է ամենօրյա հարաբերությունները»։

Ռուս դեսպանը կոչ է արել հիմա չսպասել մեծ փոփոխությունների, երբ ամերկյան վարչակազմը դեռևս ձևավորման փուլում է։ «Մենք սպասում ենք, թե երբ է հնարավորություն լինելու կոնկրետ մարդկանց հետ երկխոսելու», - նշել է նա։