Մենք պատրաստ ենք ԱՄՆ-ի հետ լիարժեք երկխոսություն սկսել. Լավրով
Ռուսաստանը պատրաստ է ԱՄՆ-ի հետ լիարժեք երկխոսության՝ այդ թվում նաև Սիրիայի հարցով, և կապեր կհաստատի, երբ արդեն ձևավորված լինի պետքարտուղարության նոր ղեկավարությունը։ Այս մասին հայտարարել է ՌԴ արտգործնախարար Սերգեյ Լավրովը Աբու Դաբիում կայացած ճեպազրույցի ժամանակ։
«Մենք պատրաստ ենք երկխոսության, պատրաստ ենք լսել ԱՄՆ-ի նոր վարչակազմի գնահատականներն ու մտքերը։ Ես համոզված եմ՝ մենք լիարժեք երկխոսություն կսկսենք, երբ ձևավորվի պետքարտուղարության ղեկավարության վերջնական կազմը», - ասել է ՌԴ արտաքին գործերի նախարարը։
Լավրովը վստահություն է հայտնել, որ այդ երկխոսությունը կկարգավորի իրավիճակը Սիրիայում, Լիբիայում, Եմենում և տարածաշրջանի մյուս երկրներում։