Թրամփն Ավստրալիայի վարչապետի հետ զրույցը համարել է ամենավատը

ԱՄՆ-ի նախագահ Դոնալդ Թրամփն Ավստրալիայի վարչապետ Մալքոլմ Թերնբուլի հետ հեռախոսազրույցից հետո հայտարարել է, որ դա «ամենավատ խոսակցությունն էր» վերջին օրվա ընթացքում. գրում է Washington Post-ը։

Աղբյուրի փոխանցմամբ՝ Թրամփը հայտարարել է, որ ինքն արդեն զրուցել է չորս երկրի ղեկավարների հետ՝ այդ թվում նաև Պուտինի, սակայն Թերնբուլի հետ զրույցն ամենավատն էր։

Պարբերականը նշում է, որ նախապես ծրագրված էր՝ Ավստրալիայի վարչապետի հետ Թրամփի հեռախոսազրույցը պետք է տևեր մեկ ժամ, սակայն ԱՄՆ-ի նախագահը մոտ 25 րոպե անց դադարեցրել է զրույցը։

Զրույցի ընթացքում Թրամփը մեղադրել է Ավստալիային այնպիսի մարդկանց ԱՄՆ ուղարկրելու մեջ, ովքեր դառնալու են հաջորդ «Բոսթոնյան ահաբեկիչները»։

Անձամբ Թերնբուլը Թրամփի հետ զրույցը համարել է «թափանցիկ»։

Ավստրալիան կոշտ քաղաքականություն է իրականացնում փախստականների հարցում։ Երբ ապաստան խնդրող փախստականները հասնում են մայրցամաքի ափերին, իշխանությունները հրաժարվում են նրանց ընդունել։ Որպես կանոն՝ նրանք ուղարկվում են Նաուրուի Հանրապետություն (կղզի պետություն է Օվկիանիայում), կամ Պապուա Նոր Գվինեայի Մանուս կղզի։