Ամերիկացիների մեծ մասին դուր չի գալիս Թրամփի նախագահական գործունեությունը. CNN
Ամերիկացիների 53%-ին դուր չեն գալիս Թրամփի առաջին քայլերը նախագահի պաշտոնին։ Այս մասին են վկայում CNN հեռուստաալիքի և ORC հետազոտական ծառայության համատեղ անցկացրած սոցհարցման արդյունքները։
Հրապարակված տվյալների համաձայն՝ հարցվածների ընդամենը 44%-ն է կողմ, որ Դոնալդ Թրամփը ղեկավարի երկիրը։ Ըստ CNN-ի՝ հետազոտության պատմության ընթացքում սա ամենացածր ցուցանիշն է, որ գրանցում է ԱՄՆ-ի՝ վերջերս պաշտոնը ստանձնած նախագահը։
Նշվում է, որ հարցվածների մեծ մասը հիմնականում դժգոհ է Թրամփի՝ միգրացիոն քաղաքականության վերաբերյալ ստորագրած հրամանագրերից։ Հարցվածների 60%-ը դեմ է արտահայտվել Մեքսիկայի հետ սահմանին պատի կառուցմանը։
Ամերիկացիների մեծ մասը կարծում է, որ Թրամփը չի կարողանում լուծել միգրացիոն (56%), արտաքին քաղաքականության (55%) և ահաբեկչության դեմ պայքարի (53%) խնդիրները։
Հարցվածների 49%-ը կարծում է, որ ԱՄՆ-ի նախագահը կարողանում է լուծել տնտեսական խնդիրները։ Հակառակ կարծիքին են հարցվածների 43%-ը։