Իրանը զգուշանում է, որ Թրամփը կարող է վերանայել միջուկային ծրագրի պայմանները
Իրանի արտաքին գործերի նախարար Ջավադ Զարիֆը հայտարարել է, որ ԱՄՆ-ի նախագահ Դոնալդ Թրամփը կարող է վերանայել Իրանի միջուկային ծրագրի վերաբերյալ գործողությունների համատեղ համապարփակ ծրագիրը։ Այս մասին գրում է «Բլումբերգ» լրատվականը՝ հղում կատարելով իրանական Mehr պարբերականին։
Ջավադ Զարիֆի խոսքով՝ ոչ Իրանը, ոչ էլ Եվրոպան չեն գնա միջուկային ծրագրի վերաբերյալ նոր բանակցությունների։
Իրանի և Միացյալ Նահանգների հարաբերությունները կրկին լարվել են Դոնալդ Թրամփի՝ նախագահի պաշտոնը ստանձնելուց հետո։ Վերջինս հայտարարել է, որ Իրանի հետ հարաբերություններում «բարի չի լինելու, ինչպես իր նախորդն էր»։ ԱՄՆ-ի նոր նախագահը քննադատում է Իրանի հետ ձեռք բերված միջուկային համաձայնագիրը, իսկ Fox News հեռուստաալիքին վերջերս տված հարցազրույցի ժամանակ նա Իրանը համարել էր «ահաբեկչական համար առաջին պետություն»։