Հարձակվել են Հունաստանում Թուրքիայի դիվանագիտական ներկայացուցչության շենքի վրա

Հունաստանում Թուրքիայի հյուպատոսարանի շենքի վրա հարձակում է տեղի ունեցել։ Այս մասին հայտնում է թուրքական «Anadolu» լրատվական գործակալությունը։

Աղբյուրի փոխանցմամբ՝ ութ հոգուց բաղկացած մի խումբ սև և կարմիր ներկերով լցված շշեր են նետել Հունաստանի Գյումուլջինե քաղաքի թուրքական հյուպատոսարանի շենքի վրա։

Ականատեսները նշում են, թե ցուցարարները, որոնք փողոցում «Հեղափոխական ազգային-ազատագրական կուսակցություն -ճակատ»  (DHKP/C) ահաբեկչական խմբավորմանն աջակցող հունարեն պաստառներով էին, փախուստի դիմեցին՝ կարգախոսներ վանկարկելով։

Տեղի ոստիկանությունը դեպքի առթիվ հետաքննություն է սկսել։

«Հեղափոխական ազգային-ազատագրական կուսակցություն -ճակատը»  (DHKP/C) Թուրքիայում գործող ձախաթևյան ծայրահեղական կազմակերպություն է։ Ստեղծվել է 1978 թ.։ Մինչև 1994 թ-ը կոչվել է «Հեղափոխական ձախեր»։ Կրում է մարքսիզմ-լենինիզմի գաղափարախոսութունը։ Թուրքիայի տարածքում կազմակերպել է մի շարք ահաբեկչական գործողություններ, որի համար էլ կազմակերպության գործունեությունը Թուրքիայում պաշտոնպես արգելված է։ Թուրքիայում, ԱՄՆ-ում և Եվրամիությունում այն համարվում է ահաբեկչական խմբավորում։