Թրամփը զգում է Ռուսաստանի հետ ավելի շատ համագործակցելու անհրաժեշտությունը. Թերեզա Մեյ

Մեծ Բրիտանիայի վարչապետ Թերեզա Մեյը հայտարարել է, որ Թրամփն ավելի շատ է զգում Ռուսաստանի հետ համագործակցելու անհրաժեշտությունը, քան նրա նախորդները։ Այս մասին գրում է Ռիա Նովոստին։

«Որքանով կարող եմ եզրակացնել Թրամփի հետ ունեցած հանդիպումից հետո, նա ցանկանում է ավելի շատ համագործակցել Ռուսաստանի հետ, քան իրենից առաջ էր արվում։ Ինչ վերաբերում է իմ դիրքորոշմանը՝ ես այն հայտնել եմ Ֆիլադելֆիայում՝ հանրապետականների հետ հանդիպման ժամանակ. համագործակցիր, բայց զգույշ եղիր», - ասել է Մեյը։

Նրա խոսքով՝ ԱՄՆ-ի՝ Ռուսաստանի հետ հարաբերությունները և Ռուսաստանի պահվածքն անհանգստանալու առիթ է Եվրոպայի համար։

Ավելի վաղ Անգլիայում ՌԴ դեսպանատունը պատասխանել էր վարչապետի՝ Ռուսաստանի հետ ԱՄՆ-ի համագործակցության մասին խոսքերին՝ թվիթերյան էջում հումորային գրառում կատարելով. «Վարչապետն ասաց. «համագոծացիր, բայց զգույշ եղիր»։ Որքանով մենք գիտենք, սառը պատերազմը վաղուց ավարտվել է»։