Մենք հրաշքների չենք սպասում. Չուրկին
ՄԱԿ-ում Ռուսաստանի մշտական ներկայացուցիչ Վիտալի Չուրկինը, խոսելով ՌԴ-ի և ԱՄՆ-ի հարաբերությունների զարգացման հեռանկարների մասին, հայտարարել է, որ Ռուսաստանում «չեն սպասում հրաշքների»։ Այս մասին գրում է Ռիա Նովոստին՝ հղում կատարելով Չուրկինի՝ RT հեռուստաալիքին տված հարցազրույցին։
«Մենք հրաշքների չենք սպասում։ Նրանց թիմը դեռ պետք է ձևավորվի։ Նշանակումն ընդամենը փոքրիկ քայլ է։ Մեզ անհրաժեշտ է համբերել և աշխատել», - ասել է Չուրկինը։
Նշենք, որ հունվարի 28-ին կայացել է Դոնալդ Թրամփի և Վլադիմիր Պուտինի հեռախոսազրույցը, որն առաջինն էր Թրամփի երդմնակալությունից հետո։ Երկու երկրների ղեկավարները քննարկել են մի շարք կարևոր հարցեր և պատրաստակամություն հայտնել համատեղ պայքարել «Իսլամական պետության» և մյուս ահաբեկչական խմբավորումների դեմ։ Քննարկվել է նաև առաջիկայում հանդիպում կազմակերպելու հարցը։