Ֆրանկ-Վալտեր Շթայնմայերը՝ Գերմանիայի 12-րդ նախագահ
Գերմանիայի Դաշնային Հանրապետության արտաքին գործերի նախկին նախարար Ֆրանկ-Վալտեր Շթայնմայերն ընտրվել է երկրի նախագահ։ Այս մասին հայտնում է Deutsche Welle պարբերականը։
Աղբյուրի փոխանցմամբ՝ փետրվարի 12-ին Բունդեսթագում կայացած քվեարկության ժամանակ նախկին արտգործնախարարի օգտին քվեարկել է 931 պատգամավոր։
Ինչպես հայտնում է Բունդեսթագի ներկայացուցիչ Նորբերտ Լամմերտը՝ քվեարկությանը մասնակցել է 1253 պատգամավոր. անվավավեր է ճանաչվել 14 ձայն, իսկ 103 պատգամավոր ձեռնպահ է քվեարկել։
Բացի Շթայնմայերից երկրի նախագահի պաշտոնի համար պայքարում էին ևս չորս թեկնածու՝ քաղաքագետ Քելն Քրիստոֆ Բուտերվերգը, «Այլընտրանք Գերմանիայի համար» կուսակցության փոխնախագահ Ալբերխտ Գլազերը, «Ազատ ընտրողներ» քաղաքական միավորման անդամ, իրավաբան Ալեքսանդր Հոլդը և Գերմանիայում հայտնի երգիծաբան Մարտին Սոնեբորնի հայրը՝ Էնգելբերտ Սոնեբորնը։
Գերմանիաի գործող նախագահ Յոահիմ Գաուկը դեռևս նախորդ տարվա ամռանը հայտարարել էր, որ չի առաջադրելու իր թեկնածությունը նախագահական ընտրություններին։
Ֆրանկ-Վալտեր Շթայնմայերը ծնվել է 1956 թվականին Դեթմոլդում: 1975 թվականից Գերմանիայի սոցիալ-դեմոկրատական կուսակցության անդամ է։ 2016 թվականին եղել է ԵԱՀԿ նախագահ: 2005-2009 և 2013-2017 թվականներին զբաղեցրել է Գերմանիայի արտաքին գործերի նախարարի պաշտոնը։