Սերգեյ Լավրովը հանդիպում կունենա ԱՄՆ պետքարտուղարի հետ
ՌԴ արտաքին գործերի նախարար Սերգեյ Լավրովի և ԱՄՆ պետքարտուղար Ռեքս Թիլերսոնի հանդիպումը նախատեսված է փետրվարի 16-ին։ Այն կկայանա Գերմանիայի Բոն քաղաքում։ Այս մասին հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան։
Զախարովան հայտնում է, որ ՌԴ արտաքին գերատեսչության ղեկավարը կհանդիպի նաև Գերմանիայի նորանշանակ արտգործնախարարի հետ։
Հանդիպումներ են նախատեսված Չինաստանի, Հարավաֆրիկյան Հանրապետության և Բրազիլիայի արտաքին գործերի նախարարների հետ։