Ռուսաստանը չի վերադարձնում իր տարածքները. Զախարովա
Ղրիմը Ռուսաստանի տարածքն է, իսկ Ռուսաստանն իր տարածքները չի հանձնում ոչ մի պետության։ Այս մասին հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան՝ պատասխանելով Սպիտակ տան մամուլի քարտուղար Շոն Սփայսերի հայտարարությանն այն մասին, որ Դոնալդ Թրամփն ակնկալում է, որ ՌԴ-ն Ղրիմը կվերադարձնի Ուկրաինային. գրում է ՏԱՍՍ-ը։
«Մենք մեր տարածքները չենք վերադարձնում։ Ղրիմը Ռուսաստանի Դաշնության տարածքն է», - ընդգծել է Զախարովան։
2014 թ. մարտի 16-ին Ղրիմում և Սևաստոպոլում հանրաքվե էր անցկացվել Ռուսաստանի Դաշնությանը միանալու հարցով։ Հանրաքվեին մասնակցել է քվեարկելու իրավունք ունեցողների ավելի քան 80%-ը։ Ղրիմի և Սևաստոպոլի՝ Ռուսաստանի Դաշնությանը միանալուն կողմ էր քվեարկել ընտրողների, համապատասխանաբար, 96,7 և 95,6 տոկոսը։ Պաշտոնական Կիևը չի ընդունում հանրաքվեի արդյունքները։