Անցկացվելիք սահմանադրական հանրաքվեն չի լուծի Լեռնային Ղարաբաղի խնդիրը. ՌԴ արտգործնախարարություն
Մոսկվան չի կարծում, որ Լեռնային Ղարաբաղի հակամարտության խաղաղ կարգավորումը կարող է կապված լինել այնտեղ անցկացվելիք սահմանադրական հանրաքվեի հետ։ Այս մասին գրում է ՏԱՍՍ-ը՝ հղում կատարելով ՌԴ արտաքին գործերի նախարարության տարածած հայտարարությանը։
«Մենք չենք ճանաչում Լեռնային Ղարաբաղը որպես անկախ պետություն։ Ենթադրում ենք, որ Լեռնային Ղարաբաղի կարգավիճակը պետք է որոշվի քաղաքական բանակցությունների ճանապարհով։ Չենք կարծում, որ հակամարտության խաղաղ կարգավորումը կապված է այնտեղ «սահմանադրական հանրաքվե» անցկացնելու հետ», - նշված է ՌԴ արտգործնախարարության տարածած հայտարարության մեջ։
Նշենք, որ փետրվարի 20-ին Լեռնային Ղարաբաղում կացնկացվի սահմանադրական հանրաքվե։ Նախնական տվյալների համաձայն՝ քվեարկությանը կարող է մասնակցել ավելի քան 100 հազար մարդ։