ՆԱՏՕ-ն չի կատարում իր պարտավորությունները հարավարևելյան ճակատում. Թուրքիայի պաշտպանության նախարար
ՆԱՏՕ-ն բավարար չափով չի կատարում իր պարտավորությունները դաշինքի հարավարևելյան ուղղությամբ, որտեղ գտնվում է Թուրքիան։ Այս մասին փետրվարի 17-ին Մյունխենում կայացած անվտանգության հարցերով համաժողովի ժամանակ հայտարարել է Թուրքիայի պաշտպանության նախարար Ֆիքրի Ըշըքը։
«ՆԱՏՕ-ն հարավարևելյան ճակատում՝ որտեղ, մասնավորապես, գտնվում է Թուրքիան, դեռ չի կատարում իր պարտավորությունները։ Հույս ունենք, որ դա կշտկվի մոտ ապագայում», - հայտարարել է Թուրքիայի պաշտպանության նախարարը։
«ՆԱՏՕ-ն չպետքէ հրաժարվի իր պաշտպանական կարողություններից և հակառակորդերին զսպելու համար վախ սերմանելու եղանակից։ Այս առաջադրանքները դաշինքը պետք է կատարի ոչ միայն արևելյան, այլ նաև հարավային ճակատում», - ավելացրել է Ըշըքը։