Ամերիկացի բասկետբոլիստը պնդում է, որ երկիր մոլորակը տափակ է
Ամերիկացի հանրահայտ բասկետբոլիստ Քիրի Իրվինգը կարծում է, որ երկիրը ոչ թե կլոր է, այլ՝ տափակ։ Այս մասին գրում է cleveland.com կայքը։
«Սա անգամ դավադրության տեսություն չէ։ Եթե ճանապարհորդելու ժամանակ ուշադիր հետևեք երկրի ձևին, արևի ժողերին՝ կհասանաք, որ երկիրը տափակ է, և մոլորակները դասավորված են հավասար գծով», - հարցազրույցներից մեկի ժամանակ ասել է բասկետբոլիստը, ապա վստահորեն շարունակել. «Ես բացահայտել եմ դա։ Կարծում եմ՝ մարդիկ պետք է իրենց սեփական հետազոտությունն անցկացնեն։ Դրանից հետո նրանք կամ կկիսեն իմ համոզմունքը, կամ կնետեն այն ջուրը»։
Լրագրողի հարցին, թե նա տեսել է երկիր մոլորակի պատկերը, որը ցույց է տալիս դրա կլորությունը, Իրվինգը պատասխանել է. «Ես շատ բաներ եմ տեսել, որը մեզ հրամցրել է մեր կրթական համակարգը, սակայն ավելի ուշ պարզվել է, որ դրանք ամբողջովին կեղծ են»։
Մի քանի օր անց, սակայն, բասկետբոլիստը փոխել է իր տեսակետը և հայտարարել, որ ինքը պարզել է, որ երկիրը կլոր է։
«Դա գիտականորեն անհնար է (նկատի ունի երկիր մոլորակի տափակ լինելը – խմբ.)։ Ես պարզեցի, որ գիտնականներն ապացուցել են, որ երկիր մոլորակը կլոր է», - հայտարարել է Քիրի Իրվինգը։
Հատկանշական է, որ ամերիկացի հանրահայտ այս բասկետբոլիստը սովորել է Դյուկի համալսարանում։