Մահացել է ՄԱԿ-ում ՌԴ մշտական ներկայացուցիչ Վիտալի Չուրկինը
Այսօր՝ փետրվարի 20-ին, Նյու Յորքում հանկարծամահ է եղել ՄԱԿ-ում Ռուսաստանի Դաշնության մշտական ներկայացուցիչ Վիտալի Չուրկինը։ Այս մասին հայտնում է ռուսական Ռիա Նովոստին՝ հղում կատարելով ՌԴ արտգործնախարարության տարածած հայտարարությանը։
New York Post պարբերականի համաձայն՝ ՄԱԿ-ում ՌԴ ներկայացուցիչը մահացել է սրտի նոպայից։
Վիտալի Չուրկինը 65 տարեկան էր։ 1974 թվականից անցել է դիվանագիտական աշխատանքի։ Եղել է Կանադայում և Բելգիայում Ռուսաստանի դեսպանը։ ՄԱԿ-ում ՌԴ մշտական ներկայացուցչի պաշտոնը զբաղեցնում էր 2006 թվականի ապրիլից։
ՄԱԿ-ի հերթական նիստը սկսվել է լռության րոպեով։