ԱՄՆ-ն դադարեցրել է ռազմական օգնություն տրամադրել սիրիական ընդդիմությանը
ԱՄՆ-ն դադարեցրել է ռազմական օգնության տրամադրումը սիրիական ընդդիմությանը երկրի հյուսիսարևմուտքում։ Ռազմական օգնություն տրամադրելու ծրագիրը համակարգում էր Կենտրոնական հետախուզական վարչությունը։ Այս մասին գրում է Ռոյթերս պարբերականը՝ հղում կատարելով սիրիական ընդդիմության աղբյուրներին։
Նշվում է, որ ծրագիրը դադարեցվել է ծայրահեղականների կողմից կատարված հարձակումից հետո, որը տեղի է ունեցել հունվարին։
Ամերիկյան աղբյուրները նշում են, որ ընդդիմության հատկացվող ռազմական օգնության կասեցումը ոչ մի կերպ կապված չէ ԱՄՆ-ի վարչակազմի փոփոխության և Դոնալդ Թրամփի կողմից նախագահի պաշտոնը զբաղեցնելու հետ։