Սիրիայում զինյալների կողմից կռվում է նախկին ԽՍՀՄ անդամ պետությունների մոտ 9 հազար քաղաքացի. Պուտին
Սիրիայում զինյալների կողմից կռվում են Ռուսաստանի և նախկին ԽՍՀՄ երկրների բազմաթիվ քաղաքացիներ։ Այս մասին հայտարարել է ՌԴ նախագահ Վլադիմիր Պուտինը հյուսիսային նավատորմի սպաների հետ հանդիպման ժամանակ. գրում է ՏԱՍՍ-ը։
«Մեր նախնական տվյալներով՝ խոսքը հազարների մասին է։ Անվտանգության դաշնային ծառայության (ФСБ) տվյալների համաձայն՝ Ռուսաստանից կռվում է 4 հազար, իսկ նախկին ԽՍՀՄ երկրներից՝ մոտ 5 հազար զինյալ», - ասել է ՌԴ նախագահը։
Նրա խոսքով՝ իրենք մեծ վնաս են հասցրել Սիրիայի զինյալ ահաբեկիչներին՝ խաղաղ բանակցությունների պայմաններ ստեղծելով Սիրիայի իշխանությունների և զինված ընդդիմության միջև։
«Կատարելով ձեր մարտական առաջադրանքը հայրենիքից հեռու՝ դուք ուղղակիորեն նպաստեցիք մեր երկրի ազգային անվտանգության կազմակերպմանը», - ասել է Պուտինը՝ գոհունակություն հայտնելով զինվորականներին։