Սիրիայի կառավարական ուժերը գրոհում են Պալմիրան

Սիրիայի կառավարական ուժերը աշխարհազորայինների հետ միասին մոտեցել են Պալմիրային։ Այս մասին հաղորդում է Al Mayadeen հեռուստաալիքը։

Աղբյուրի փոխանցմամբ՝ կառավարական ուժերը գտնվում են Պալմիրայից երեք կիլոմետր հեռավորության վրա։ Նշվում է, որ Իսլամական պետության ահաբեկիչներն առաջվա պես կատաղի մարտեր չեն վարում և աստիճանաբար հեռացնում են իրենց ուժերը Պալմիրայից։

Սիրիայի կառավարական զորքերի հրամանատարությունը նպատակ է դրել վերահսկողություն հաստատել առաջին հերթին նաֆթային և գազային օբյեկտների նկատմամբ, որոնք այժմ ԻՊ գրոհայնների ձեռքում են։

Հեռուստաալիքի հաղորդած տվյալների համաձայն՝ կառավարական զորքերը չեն սահմանափակվելու Պալմիրայի գրավմամբ։ Հաձակումը կշարունակվի Էս Սուխնա օազիսի ուղղությամբ, որը գտնվում է Պալմիրայից 70 կիլոմետր դեպի հյուսիս-արևելք։ Դրանից հետո նախատեսվում է գրոհել Դեր Զորը։