Ռուսաստանի և Թուրքիայի ԶՈՒ ԳՇ պետերը և ԱՄՆ ԶՈւ շտաբի պետերի միացյալ հանձնաժողովի նախագահը եռակողմ հանդիպում կունենան

Թուրքիայում եռակողմ հանդիպում կկայանա Ռուսաստանի Դաշնության Զինված ուժերի Գլխավոր շտաբի պետ Վալերի Գերասիմովի, Թուրքիայի ԶՈՒ ԳՇ պետ Հուլուսի Աքարի և ԱՄՆ Զինված ուժերի շտաբի պետերի միացյալ հանձնաժողովի նախագահ Ժոզեֆ Դենֆորդի միջև։ Այս մասին հայտարարել է ՌԴ պաշտպանության նախարարության մամուլի ծառայությունը։

Աղբյուրը նշում է, որ կողմերը կքննարկեն Իրաքի և Սիրիայի անվտանգության հարցը։

«Ռուսաստանի Դաշնության ԶՈւ ԳՇ պետ Վալերի Գերասիմովը, Թուրքիայի ԶՈՒ ԳՇ պետ Հուլուսի Աքարը և ԱՄՆ Զինված ուժերի շտաբի պետերի միացյալ հանձնաժողովի նախագահ Ժոզեֆ Դենֆորդը եռակողմ հանդիպում կունենան Անթալիայում, որտեղ կքննարկվի Սիրիայի և Իրաքի անվտանգության հարցը», - կարդում ենք ՌԴ ՊՆ մամուլի ծառայության տարածած հաղորդագրությունում։