Ստամբուլում ուղղաթիռի վթարից զոհվածների մեծ մասը ռուս է

Այսօր՝ մարտի 10-ին, Ստամբուլի թաղամասերից մեկում ուղղաթիռ է վթարվել։ Այս մասին հայտնում է թուրքական Milliyet լրատվականը։

Աղբյուրի հայտնած տեղեկությունների համաձայն՝ վթարը տեղի է ունեցել Երևանի ժամանակով 12:20-ի սահմաններում։ Ըստ նախնական տվյալների՝ ուղղաթիռն ընկել է ճանապարհի վրա հեռուստաաշտարակին բախվելուց հետո։ Նշվում է, որ վթարի պատճառը մառախուղն է եղել։

Ուղղաթիռի խցիկում եղել է 7 մարդ։ Ստամբուլի «Բյույուքչեքմեջե» թաղամասի ոստիկանության բաժնից հայտնում են, որ նախնական տվյալներով զոհվել է հինգ մարդ, որոնցից չորսը ռուսներ էին։

Daily Sabah թերթը գրում է, որ ուղղաթիռը պատկանում էր թուրքական Eczacıbaşı ընկերությանը։