Դանիայի վարչապետն առաջարկել է հետաձգել Թուրքիայի վարչապետի այցը Կոպենհագեն

Դանիայի վարչապետ Լարս Լոկ Ռասմուսենն առաջարկել է հետաձգել Թուրքիայի վարչապետ Բինալի Յըլդըրըմի այցը՝ հաշվի առնելով վերջերս Նիդերլանդների և Թուրքիայի միջև հարաբերությունների լարվածությունը։ Այս մասին հայտնում է «Ռոյթերս»-ը։

Լրատվականի փոխանցմամբ՝ Յըլդըրըմի այցը Դանիա նախատեսված էր մարտի վերջին։

«Նորմալ պայմաններում հաճելի կլիներ ընդունել Թուրքիայի վարչապետին, որի հետ կառուցողական զրույց ենք ունեցել 2016 թ. դեկտեմբերի 10-ին Անկարայում կայացած հանդիպմանը։ Սակայն հնարավոր չէ Կոպենհագենում հանդիպում կազմակերպել՝ հաշվի չառնելով Թուրքիայի և Նիդերլանդների միջև հարաբերություններում առկա լարվածությունը։ Հենց այս պատճառով էլ առաջարկել եմ թուրք գործըներոջս հետաձգել այցը», - ասել է Դանիայի վարչապետը։

Դանիայի կառավարության մամուլի ծառայության տարածած հաղորդագրության մեջ նշվում է, որ Թուրքիայի կողմից ժողովրդավարական արժեքների ոտնահարումը անհագստություն է պատճառում Կոպանհագենին։ Դանիայի կառավարության ղեկավարի խոսքով՝ Թուրքիայի վարչապետի այցը կարող էր նշանակել, որ Դանիան մեղմ մոտեցում ունի Անկարայի կողմից ժողովրդավարական արժեքների ոտնահարմանը։