Բելգիան վիզա չի տրամադրել թուրք կրոնավորներին

Բելգիայի իշխանությունները մերժել են թուրք 4 իմամի՝ մուտքի արտոնագրի դիմումները. գրում է Hurriyetdailynews-ը՝ հղում կատարելով գերմանական Deutsche Welle-ին։

Աղբյուրը նշում է, որ թուրք իմամները նպատակ են ունեցել երկար ժամանակ աշխատել Բելգիայում։

Բելգիայի Ապաստանի և միգրացիայի հարցերով պետական քարտուղարություն ղեկավար Թեո Ֆրանկենն այս տարվա ընթացքում արդեն մերժել է վիզա ստանալու 12 իմամի դիմում՝ պատճառաբանելով, որ նրանք ցանկանում են կրոնական քարոզներ իրականացնել պետության կողմից չճանաչված մզկիթներում (Բելգիայում գտնվող 300 մզկիթից միայն 82-ն է ճանաչված պետության կողմից)։ Իմամներից տասն արդեն բողոքարկել են կայացված որոշումները։

Բելգիայի արտաքին գործերի նախարարությունն աջակցել է Ֆրանկենի՝ թուրք իմամներին վիզա չտրամադրելու որոշմանը։

Թուրք կրոնավորները կարող են հայց ներկայացնել Մարդու իրավունքների եվրոպական դատարան։