Դոնալդն ընդդեմ Դոնալդի. Թրամփը հանդիպելու է Տուսկին Եվրոպա կատարելիք նախագահական այցի ժամանակ
Դեպի Եվրոպա իր առաջին նախագահական այցի շրջանակներում Թրամփը հանդիպում է ունելալու Եվրոպական խորհրդի նախագահ Դոնալդ Տուսկի հետ: Այս մասին հաղորդում է Express պարբերականը:
Նրանց հարաբերությունները ի սկզբանե լարվել էին այն բանից հետո, երբ Թրամփը շարունակաբար իր նախընտրական արշավի ընթացքում վատաբանում էր Եվրամիությանը, իսկ Եվրոպական խորհրդի նախագահ Տուսկն էլ իր հերթին հիշեցնում էր, որ ԱՄՆ-ն վտանգ է ներկայացնում Եվրոպայի համար:
Պարբերականը գրում է, որ այժմ Վաշինգտոնը և ԵՄ-ն երկխոսություններ են վարում երկու Դոնալդների մայիսյան հանդիպման վերաբերյալ, երբ Թրամփը կմեկնի Բրյուսել ՆԱՏՕ-ի գագաթնաժողովին, ապա Սիցիլիա՝ Մեծ յոթնայկի գագաթնաժողովին մասնակցելու համար:
Սա տեղի է ունենում ԱՄՆ նախագահի և ԵՄ-ի միջև աճող լարվածության ֆոնին, երբ Եվրոպական հանձնաժողովի նախագահ Ժան Կլոդ Յուկները հորդորել էր Թրամփին դադարեցնել հակաեվրոպական հռետորաբանությունը կամ պատրաստվել պատերազմի:
Յունկերի արձագանքը հաջորդել էր այն բանին, երբ Թրամփը ողջունել էր Մեծ Բրիտանիայի՝ ԵՄ-ից դուրս գալու փաստը և կոչ արել մյուս պետություններին հետևել նրա օրինակին:
Ավելի վաղ Տուսկն ասել էր. «Վաշինգտոնի նոր վարչակազմը հարցականի տակ է դնում վերջին 70 տարիների ամերիկյան արտաքին քաղաքականությունը՝ կապված Եվրամիության հետ»:
Financial Times-ին տված հարցազրույցի ընթացքում Թրամփը վերստին նշել է, որ Միացյալ Թագավորության հեռանալուց հետո Եվրամիությունը կմասնատվի: