Ստոկհոլմում բեռնատարը մխրճվել է մարդանց բազմության մեջ. կան զոհեր
Ստոկհոլմում բեռնատարը մխրճվել է մարդկանց բազմության մեջ։ Նախնական տվյալներով՝ երեք մարդ է զոհվել։ Այս մասին հայտնում են Շվեդիայի պետական լրատվամիջոցները։
Աղբյուրի համաձայն՝ դեպքը տեղի է ունեցել Ստոկհոլմի Դրոտնինգատան փողոցում։ Ականատեսների վկայությամբ՝ բեռնատարը մեծ արագությամբ մխրճվել է բազմության մեջ: Անցորդները խուճապահար փախուստի են դիմել: Բեռնատարը կանգ է առել միայն մոտակա խանութներից մեկի ցուցափեղկին բախվելուց հետո:
Ներկա պահին իրավապահները շրջափակել են քաղաքի կենտրոնական հատվածը: Դեպքի վայր են ժամանել նաև բժիշկների և փրկարարների խմբեր: Տուժածների կոնկրետ թվի մասին տեղեկություններ դեռ չեն հաղորդվում: Շվեդիայի կառավարության նախնական վարկածով՝ տեղի ունեցածն ահաբեկչական գործողություն է: