Եվրոպացիների մեծ մասը Թրամփի նախագահությունը վտանգավոր է համարում համաշխարհային անվտանգության համար

Եվրոպական առաջեմ երկրների և Բրազիլիայի բնակչության մեծ մասը կարծում է, որ Դոնալդ Թրամփը բացասական կերպով է ազդում համաշխարհային անվտանգության վրա։ Այս մասին են վկայում անցկացված սոցհարցման արդյունքները։

Թրամփի իշխանության գալը ամենաշատն անհանգստացնում է Գերմանիայի բնակչությանը։ Այստեղ հարցվածների 72%-ը կարծում է, որ Թրամփի նախագահ ընտրվելը լրջորեն սպառնում է համաշխարհային կայունությանը։ Նույն կարծիքին են նաև հարցմանը մասնակցած ֆրանսիացիների 64, իսկ բրազիլացիների՝ 60 տոկոսը։

Բրիտանացիների և թուրքերի կեսից ավելին նույնպես կարծում է, որ Թրամփի իշխանության գալի խարխլում է համաշխարհային անվտանգության և կայունության հիմքերը։

Այս հարցում մի փոքր լավատես են գտնվել Իտալիայի և ԱՄՆ-ի բնակիչները։ Վերոնշյալ կարծիքը կիսում են հարցմանը մասնակցած մարդկանց համապատասխանաբար 49% և 45%-ը։

Կարծիքը, թե Թրամփի իշխանության գալը դրական ազդեցություն կունենա համաշխարհային անվտանգության և կայունության վրա, կիսում են հարցմանը մասնակցած ֆրանսիացիների 6%-ը, գերմանացիների 8%-ը, բրիտանացիների և թուրքերի 11%, ինչպես նաև  բրազիլացիների և իտալացիների 13%։ ԱՄՆ-ում այս ցուցանիշը փոքր-ինչ բարձր է՝ 28%:  

Հարցումն անցկացվել է այս տարվա փետրվարի 16-22-ը միջազգային խոշորագույն հետազոտական ընկերություններից մեկի՝ TNS Global-ի կողմից։ Հարցմանը մասնակցել է նշված երկրների 7148 բնակիչ։