Չեխիան պաշտոնապես ճանաչեց Հայոց ցեղասպանությունը
Չեխիայի Հանրապետության խորհրդարանը ձայների 104 կողմ 0 դեմ 0 ձեռնպահ հարաբերակցությամբ ընդունել է Հայոց ցեղասպանությունը դատապարտող բանաձևը։ Այս մասին թվիթերյալ գրառման միջոցով տեղեկացնում է Հայաստանի Հանրապետության արտաքին գործերի նախարարության մամուլի խոսնակ Տիգրան Բալայանը։
«Չեխիայի խորհրդարանը քիչ առաջ 104 ձայնով ճանաչեց Հայոց ցեղասպանությունը», - գրել է Բալայանը։
Այսպիսով՝ Չեխիան նույնպես միացավ Հայոց ցեղասպանությունը ճանաչած տասնյակ երկրներին։ Չեխիայից առաջ Հայոց ցեղասպանությունը պաշտոնապես ճանաչել և դատապարտել են հետևյալ պետությունները. Ֆրանսիա, Բելգիա, Շվեդիա, Լիտվա, Կիպրոս, Արգենտինա, Կանադա, Շվեյցարիա, Սլովակիա, Չիլի, Իտալիա, Նիդերլանդներ, Ռուսաստան, Հունաստան, Լիբանան, Վենեսուելա, Վատիկան, Լեհաստան, Ուրուգվայ (առաջինն է ճանաչել 1965 թ.- խմբ.), Բոլիվիա, Ավստրիա, Լյուքսեմբուրգ, Բրազիլիա, Պարագվայ, Գերմանիա։ Հայոց ցեղասպանությունը ճանաչել է նաև ԱՄՆ-ի 50 նահանգից 42-ը։