Սև ծովում ռուսական նավ է խորտակվել
ՌԴ սևծովյան նավատորմի «Լիման» նավը խորտակվել է Սև ծովում մեկ այլ նավի հետ բախման արդյունքում. այս մասին հաղորդում է ՌԴ ՊՆ մամլո ծառայությունը:
« «Լիման» նավը խորտակվել է ջրատար խողովակից ներքև բացված անցքերի պատճառով: Հետազոտական աշխատանքներ իրականացնող նավի անձնակազմի բոլոր անդամները ողջ են և ներկա պահին պատրաստվում են թուրքական փրկանավից տեղափոխվել դեպի ռուսական նավ»,- ասվում է ՌԴ ՊՆ հայտարարության մեջ:
«Բրիտանական Reuters լրատվական գործակալության հաղորդումը ռուսական «Լիմա» նավի անձնակազմի անհետ կորած անդամների մասին հերթական ապատեղեկատվությունն է», - հայտնել են ՊՆ մամուլի ծառայությունում:
Ավելի վաղ հաղորդվել էր, որ նավը բախվել էր Տոգոյի դրոշի տակ նավարկող «Youzarsif-Н» բեռնատար նավին: Օգնության SOS ազդանշանը ստանալուց անմիջապես հետո դեպք վայր էր ուղարկվել թուրքական չորս առափնյա պահակախումբ, այդ թվում նաև երկու արագընթաց նավակ:
«Տեղական ժամանակով 14:48-ին ռուսական նավը խորտակվել է: Ինչպես արդեն նշել ենք ամբողջ անձնակազմը՝ 78 մարդ, փրկվել է և գտնվում է մեր առափնյա պահակախմբի նավակների վրա», - տեղեկացրել է Թուրքիայի առափնյա պահակախմբի մամլո ծառայությունը: Բեռնատար նավը «էական վնաս գրեթե չի ստացել և շարունակում է նավարկել իր երթուղով»:
Դեպքը տեղի է ունեցել Թուրքիայի հյուսիսային ափերից 18 մղոն հեռավորության վրա՝ Բոսֆորի նեղուցի մոտակայքում: Նախնական տվյալների համաձայն՝ բախումը տեղի է ունեցել մառախուղի պատճառով առաջացած ցածր տեսանելիության հետևանքով: