Թրամփի քաղաքականությունն օգնում է վերականգնել ԱՄՆ-ի հզորությունը. Մայք Փենս

ԱՄՆ նախագահ Դոնալդ Թրամփի վերաբերմունքը Սիրիայի, Իրանի, Հյուսիսային Կորեայի և «Իսլամական պետություն» ահաբեկչական խմբավորման նկատմամբ ապացուցում է Ամերիկայի հզորության և իշխանության վերականգնումը: Հարիսբուրգ քաղաքում տեղի ունեցած հավաքի ժամանակ այսպիսի հայտարարությամբ է հանդես եկել ԱՄՆ փոխնախագահ Մայք Փենսը։

«Նախագահ Թրամփը պաշտպանում է մեր դաշնակիցներին և պայքարում է մեր թշնամիների դեմ: Նա նախազգուշացրել է Իրանին, շարունակում է հատատակամորեն դիմակայել Հս. Կորեայի սպառնալիքներին. աշխարհը տեսնում է մեր նախագահի  ուժը և վճռականությունը: Այն գործողությունները, որ նա իրականացրեց Սիրայում և Աֆղանստանում, դարձան ամերիկյան ուժի իշխանության վերականգման վկաները»,- նշել է Փենսը:

«Նախագահ Թրամփի շնորհիվ Իսլամական պետության ահաբեկիչներն ընդհատակ են անցել Իրաքում, Սիրայում և Աֆղանստանում: Մենք կանգ չենք առնի մինչև վերջնականապես չոչնչացնենք Իսլամական պետությունը: Իր կառավարման 100 օրերի ընթացքում նախագահն ամբողջովին վերափոխել է Ամերիկան, բայց սա դեռ սկիզբն է», - վստահեցրել է փոխնախագահը:

2017 թ. ապրիլի 29-ին լրացավ Թրամփի նախագահության 100 օրը: Ամերիկյան քաղաքականության մեջ այս ժամկետը մեծ նշանակություն ունի Սպիտակ տան նոր ղեկավարին գնահատելու համար: