Լեհաստանը մեղադրել է ԵՄ հիմնադիր պետություններին ձախողումների պատասխանատվությունը նոր անդամների վրա թողնելու մեջ

Եվրամիության հիմնադիր երկրները փորձում են իրենց անհաջողությունները բարդել նոր անդամների վրա: Այս մասին հայտարարել է Լեհաստանի արտգործնախարար Վիտոլդ Վաշչիկովսկին, որի խոսքերը հրապարակել է «Rzeczpospolita» թերթը։

«Մենք բողոքում ենք այսպիսի հռետորաբանության դեմ, կարծում ենք՝ թե ԵՄ-ն հիմնադրած պետությունները և թե 13 տարի առաջ դրա կազմի մեջ մտած երկրները շահույթ են ստանում ինտեգրման գործընթացներից՝ տնտեսական, աշխարհաքաղաքական և սոցիալական առումներով», - բացատրել է Վաշչիկովսկին:

Լեհաստանի արտգործնախարարը նշել է, որ Վարշավան կտրականապես դեմ է «տարբեր արագություններով Եվրոպային»: Նրա խոսքով՝ Եվրամիությունը կարող է դիմակայել արդի մարտահրավերներին միայն այն դեպքում, եթե դրա կազմում եղած երկրերը զարգանան համընթաց։

Հաջորդական ընդլայնումների արդյունքում Եվրամիության անդամ երկրների թիվը 6-ից (Բելգիա, Նիդեռլանդներ, Լյուքսեմբուրգ, Գերմանիա, Իտալիա) հասել է 28-ի: Ամենամեծը եղավ 2004 թ.-ի հինգերորդ ընդլայնումը, երբ ԵՄ-ին միացան Չեխիան, Հունգարիան, Սլովակիան, Սլովենիան, Էստոնիան, Լատվիան, Լիտվան, Կիպրոսը և Մալթան: Նրանց ընդունված է անվանել Եվրամիության նոր անդամներ: