Կոկորդիլոսները կերել են Քրիստոսի նման ջրի վրայով քայլել փորձող քահանային

Զավեշտալի դեպք է տեղի ունեցել Հարավաֆրիկյան Հանրապետությունում։ Տեղի քահանաներից մեկը փորձել է կրկնել աստվածաշնչյան հայտնի պատմությունը և Հիսուս Քրիստոսի նման քայլել ջրի վրայով։ Փորձը, բնականաբար, ձախողվել է՝ ունենալով ողբերգական ավարտ. կոկորդիլոսները կերել են քահանային։

DailyPost-ը գրում է. Ջոնաթան Մթեթվա անունով մի քահանա փորձել է «հրաշք գործել» իր կոնգրեգացիայի անդամների ներկայությամբ և անցնել հայտնի «Կոկորդիլոսների գետ»-ի վրայով, որը գտնվում է Հարավաֆրիկյան Հանրապետության Մպումալանգա նահանգնում։

Ափից բավական հեռանալուց հետո քահանան փորձել է իջնել նավակից և քայլել ջրի վրայով։ Անսպասելի հայտնված երեք կոկորդիլոսներն անմիջապես կերել են ջրի մեջ ընկած քահանային։

«Մենք զարմացած ենք, թե ինչպես դա կարող էր տեղի ունենալ։ Չէ որ նա պաս է պահել և ամբողջ շաբաթ աղոթել է», - ասել է ներկաներից մեկը։

Ականատեսներից մեկուրիշի խոսքով՝ կոկդիլոսների՝ քահանային ուտելուց հետո միակ բանը, որ մնացել էր ջրի վրա, մեկ զույգ հողաթափն էր և ջրի մակերեսին լողացող ներքնազգեստը։